«СЕМЕЙ КӨП САЛАЛЫ КОЛЛЕДЖ»
МЕКЕМЕСІ
ОҚЫТУШЫЛАРЫНЫҢ АР-НАМЫС КОДЕКСІ
ОҚЫТУШЫНЫҢ МӘРТЕБЕСІ
СМК оқытушысы – бұл:
− еліміздің және колледждің жетістіктерін өзінің жетістігі ретінде қабылдайтын патриот;
− заманауи технологияларды меңгеруге ұмтылатын, еңбегін адал істеп, шығармашылықпен қарайтын;
− студенттерді танып-білуге бағыттайтын, жоғары білімді тұлға;
− адамгершілік-құқықтық сана-сезімі жоғары, заңға бағынатын азамат;
− колледждің тәрбиелеу және білім беру үрдісін ұйымдастыратын белсенді қызметкер.
1-бап
Оқытушы Қазақстан Республикасының Заңдарын және Конституциясын, СМК Жарғысын, ішкі тәртіп Ережесін сақтайды.
2-бап
Оқытушы өзінің жеке ар-намысы мен колледждің беделіне нұқсан келтірмей, өзін және өзінің мамандығын құрметтей отырып, мыналарға міндетті:
– колледждің салт-дәстүрін құрметтеуге;
– колледждің беделінің артуына ықпал етуге, оның ғылыми-практикалық және мәдени дамуына үлес қосуға;
– студенттік жастарды оқыту мен тәрбиелеуде ғылым игілігі үшін адал еңбек етеді, өзінің қызметтік міндеттерін қатаң сақтайды, өзінің ғылыми және педагогикалық біліктілігін үнемі жетілдіріп отырады.
3-бап
Оқытушы – бұл қазақстандық және мемлекеттік патриотизм идеяларын, және мәдени дәстүрлерді белсенді насихаттайтын, мораль мен мәдениеттің жоғары үлгісі. Ол білім беру мәселесі бойынша нормативтік-құқықтық актілерді ұстанады, өз лауазымын теріс пайдалануға, құқық бұзушылық пен парақорлыққа жол бермейді.
4-бап
Оқытушының сыртқы келбеті және жүріс-тұрысы жоғары адамгершілік принциптерге негізделініп, әділ, студенттер мен жұмыстағы әріптестеріне адал және талапшыл болуы керек.
5-бап
Оқытушы студенттік топтар мен ұжым ішіндегі дау-дамайлы жағдайларды болдырмауға, рухани өсу мен шығармашылық ынтымақтастықты, достық, татулық атмосферасын қолдауы тиіс.
6-бап
Оқытушы студенттік жастардың оқу және мәдени деңгейін жоғарлатуға, колледждің, қаланың, облыстың мәдени және қоғамдық өміріне, кәсіптік бағдар беру ісіне белсене араласуы тиіс.
7-бап
Оқытушы үшін жеке тұлғаларға, қоғамға, колледжге материалдық және моральдық залал келтіретін криминалдық және дау-дамайлы жағдайларды, сенімсіздік пен түсініспеушілік атмосферасын тудыратын дөрекі мінез-құлық тән болып табылмайды.
8-бап
Оқытушы колледж администрациясымен еңбек шартына отырған кезде СМК оқытушыларының ар-намыс Кодексінде көрсетілген шарттарымен танысады және өзінің келісімін өз қолымен растайды.
9-бап
Оқытушы ар-намыс Кодексін сақтай отырып және оның принциптерін жүзеге асыруда колледждің жоғары адамгершіліктің, интеллектуалдық күштің үлгісіне айналуға, оның имиджінің және іскерлік беделінің артуына бар күш-жігерін салуы тиіс.
10-бап
Ар-намыс Кодексінің Ережелері лауазымы мен жұмыс істеу мерзіміне қарамастан барлық оқытушылар үшін бірдей болып саналады.